sudanx

مكتبة الأغاني السودانية, أغاني سودانية, كليبات سودانية, مدائح, حلمنتيش, نكات سودانية, أغاني سودانية ،Youtube


    عندما نزلت (يارا) من (همر) حياتها

    شاطر
    avatar
    Admin
    Admin
    Admin

    عدد المساهمات : 10
    نقاط : 2632
    سوداني نشيط : 0
    تاريخ التسجيل : 01/10/2010

    عندما نزلت (يارا) من (همر) حياتها

    مُساهمة  Admin في الإثنين أكتوبر 04, 2010 9:56 pm

    أظن وبعض الظن (عدم شغلة) يارا لبست (فستان) لون عيونا ... وراحت (لعندو) ... قالت لي (فيا إسألك سؤال) ؟ ... قال ليها (إحكي لشوف ) ... قالت لي (بتحبني؟) ... قام علي حيلو وقال ليها (لا)...
    · يعني يا حبيب يارا اللف والدوران دا في اي حاجة بتعرفوا لي تجي هنا وتقول للبت دي لا في وشها ...!هل اللف والدوران ممنوع في هذه الدائرة ؟ هل هي دائرة إنتخابية ؟... لا بتاعتك دي صعبة .... والله جد
    · وسؤال يارا دا ذاتو ما راكب عدلو ... تمشي تقول لي بتحبني ؟؟... سمح كان تمشي تقولي لي بحبك وخلاص ..... أنا لا افهم موقفك هذا ...
    · سؤال يارا دا اخير منو (What about)...
    · والله يارا صعبانة عليّ
    · اتهورتي يا يارا ... الوداك شنو يا بت الناس ؟؟
    · طبعاً يارا بتعتقد وبعض الاعتقاد (جد جد) انو (لا) بتاعت حبيبا دي (فوق رأي) ... و(لا) دي لو بقت (فوق رأي) أو (تحت رأي) دي أصعب لا تلاقيني في دروب الغُنا ....
    · السؤال الحلال ... هل دا حبيب يارا بتاع (صدفة) ذاتو ؟ واللا دا حبيب تاني ...؟
    · يارا جات تاني قالت ...
    وأنا عارفة أني في بالو

    صورتي في قلبو وخيالو

    وكان مستني طول عمرو

    احن علي واقولهالو ... كدا واللا لا ؟

    · تقولي قدر ما تقولي .... انتي في ورطة ...قولي ليهو بلغة عمرو دياب
    كِدا عيني عينك ... تنسي هوي كان بيني وبينك !

    كِدا عيني عينك ... تنسي عيون علي طول فاكرينك !

    · يقال عندما حصل هذا الموقف (المؤسف) لي يارا ... كانت ماشة علي كيف الحب والدليل علي ذلك قولها
    (لقيتني) رايحة اسألو

    · وبرضو يا يارا .... الغلط منك
    · بتحبني ؟ قام قالي لا
    · جابت ليها قومة كمان ... الفاقع مرارتي الموضوع فيه قومة ... يعني مساحة تفكير سبقت ال(لا) التي كسرت قلب (يارا) ...والقومة ليك يا وطني
    · وبعد لا وقعت في الرأس والتاريخ ... جات قالت
    حا اسيبو لحدي لما ..... يعرف أنا ابقي ايه

    وحا أعيش دور المهمة ... ولا حا اسأل تاني فيه

    · لا كان تسألي والله..... شوفي بعد دا كان تعيشي دور المهمة ... كان تعيشي ادوار (انجلينا جولي) ... تمثيلك سوداني سوداني ... والله جد
    · مهمة شنو تاني بعد الحصل دا ؟
    · وهسه شربنا الشاي
    · عن نفسي مستغربة كيف يارا وافقت تغني (قالي لا) دي.!
    · أظن وبعض الظن (ساي) عندما نمشي علي كيف الحب ولا نعمل حساب لخطوات عقولنا فإننا نضع قلوبنا وعقولنا في تصرف الرياح التي ترحم ولا ترحم ...
    · يارا دي قلبا فاتح علي شارع (الحمرا) ببيروت ... وجنات القلبا فاتح علي النيل والورود ما حصل ليها الحصل لي يارا دا ...
    · أنا عندي (لا) الجاتك في قلبك دي (تب) ما سامحتك
    · وباقي لي خليكن مع كلام (البروفسيرH)أحسن ليكن
    · (لا) دي تعادل (2010) لا من اللاات العادية
    · إنها (لا ) فوق العادة ....(لا) مميزة ...
    · وهذه ال(لا) برعاية (يارا)
    · إنها (لا) حب زايد عن حدو
    · و................................
    أسمع حا اقولك ........ خُد قلبك وامشي
    وأنا مش حا اسهر علشانك رمشي
    لدواعٍ في بالي

      الوقت/التاريخ الآن هو السبت نوفمبر 18, 2017 7:47 pm